फालेलुङमा वृहत् साहित्यिक तथा साँस्कृतिक महोत्सव हुने

फालेलुङ, पाँचथर ।

पाँचथरको फालेलुङ गाउँपालिकामा दोस्रो “वृहत् साहित्यिक तथा साँस्कृतिक महोत्सव” हुने भएको छ।

मंगलबार नेपाल पत्रकार महासंघ जिल्ला शाखा पाँचथर फिदिमको सभाहलमा पत्रकार सम्मेलन गर्दै महोत्सवको बारेमा जानकारी दिएका छन् । फालेलुङ गाउँपालिकाको आर्थिक सहयोग र फालेलुङ वाङमय प्रतिष्ठानको आयोजनामा जेठ १८ र १९ गते महोत्सव हुन लागेको हो।

नेपालमा ७ सय ५३ स्थानीय तहमध्य गाउँपालिकामा पहिलो फालेलुङ गाउँपालिकामा वाङमय प्रतिष्ठान गठन भएको प्रतिष्ठानका अध्यक्ष सुरेन्द्र शिशिर केरुङले जानकारी दिनुभयो।

प्रतिष्ठानले गतवर्ष देखि फालेलुङ गाउँपालिका भित्र रहेको भाषा, कला, साहित्य र संगीतको संरक्षण गर्दै आएका छन् । यसवर्ष पनि पुरानो साहित्यकार, गीतकार, शिक्षक, पत्रकार, राजनैतिक र सामाजिक ब्याक्तित्वलाई सम्मान गर्ने अध्यक्ष केरुङले बताउनुभयो ।

महोत्सवको समुदघाटनका दिन फालेलुङ गाउँपालिका भित्रका सामाजिक, राजनैतिक, शैक्षिक, साहित्यिक, कलाकार, खेलकुद र पत्रकारहरु र भर्खरै मात्र विश्वको सर्वोच्च सगरमाथा सफल आरोहण गर्ने फालेलुङ ३ का उदय केरुङलाई पनि सम्मान गर्ने र कविता वाचन कार्यक्रम हुने आयोजकले जानकारी दिएको छ ।

जेठ १९ गते पालिका भित्र रहेका विभिन्न जातीहरुको सांस्कृतिक झाँक्री प्रस्तुती, मायाँको चिनो वितरण र ख्याति प्राप्त गायीका ज्योति मगरको सांगीतिक प्रस्तुती रहने आयोजकले जानकारि दिएको छ।

गाउँपालिकाले प्रतिष्ठानको लागि १० लाख रकम विनियोजन गरेका छन्् । विनियोजित रकम महोत्सवबाट खर्च नभएको रकमलाई प्रतिष्ठानको कार्यलयमा सांगीतिक बाध्यबाजा खरिद गर्ने अध्यक्ष केरुङले बताउनुभयो। त्यसमा पालिकाको रकम कलाकार ज्योति मगर ल्याउदा खर्च नगरने भएको छ। आयोजक र प्रायोजकबाट रकम संकलन गरि कलाकार मगरलाई खर्च गर्ने जानकारी दिए।

महोत्सवलाई सफलतापुर्वक सम्पन्न गर्नका लागि विभिन्न उप–समिती गठन गरिएको प्रतिष्ठानका अध्यक्ष केरुङले जानकारि दिनुभयो । महोत्सव फालेलुङ ३ प्रेमवादी सामुदायिक भवनमा हुनेभएको छ।

प्रेस विज्ञप्ति